09:30  ,  19 մարտի, 2021

Արցախյան պատերազմից տուժած մարզադաշտը վերանորոգվում է Մարտունիում (ֆոտո)

Լեռնային Արցախի Հանրապետության Մարտունի քաղաքի «Ավագյան Արենա» մարզադաշտում մեկ շաբաթ առաջ մեկնարկել են վերականգնողական աշխատանքները։ Խաղադաշտը հրետակոծվել էր Արցախյան 44-օրյա պատերազմի ընթացքում:

Մարտունիի վարչակազմի ղեկավար Էդիկ Ավանեսյանի փոխանցմամբ, այժմ ընթացքի մեջ է դաշտի արկակոծված հատվածի լցոնման աշխատանքները։ Վերականգնողական գործընթացների ավարտը նախանշված է մարտի 25-ին, իսկ մարտի 27-ին նախատեսված է մարզադաշտի վերաբացումը։ Նույն օրը կանցկացվի նաև ընկերական հանդիպում։ Մարզադաշտը կառուցվում է անձնական միջոցներով: Այդ մասին ֆեյսբուքյան էջում հայտնել է Երևանի «Ուրարտուի» մամուլի քարտուղար Դավիթ Մարտիրոսյանը:

Հիշեցնենք, որ մարտի 7-ին մեկնարկել էր ֆուտբոլի Արցախի լիգայի նոր մրցաշրջանը: Առաջնությանը մասնակցում են 10 թիմեր, այդ թվում՝ Արցախում տեղակայված խաղաղապահ զորքերի թիմը:

Հետևեք NEWS.am SPORT-ին Facebook-ում, Twitter և Telegram-ում

Տպել    |  In English

  • Այս թեմայով