Բոսնիա-Հերցեգովինա - Ռումինիա խաղը կսպասարկի հայ մրցավար

Բոսնիա-Հերցեգովինայի և Ռումինիայի հավաքականների միջև ֆուտզալի 2022թ. Եվրոպայի առաջնության ընտրական մրցաշարի չորրորդ տուրի հանդիպումը սպասարկող մրցավարների թվում կլինի Հայաստանի ներկայացուցիչ: Խոսքը ՀՖՖ մրցավար Արման Ալաբերքյանի մասին է, hաղորդում է ՀՖՖ մամուլի ծառայությունը:

Հանդիպումը տեղի կունենա մարտի 10-ին Բոսնիա և Հերցեգովինայի Զենիցա քաղաքում:

Հիշեցնենք, որ մարտի 10-ին ֆուտզալի Հայաստանի ազգային հավաքականը չորրորդ հանդիպումը կանցկացնի Եվրո-2022-ի ընտրական մրցաշարում՝ հյուրընկալելով վրացիներին: Նախորդ 3 խաղերում Հայաստանի հավաքականը պարտվել է աշխարհի փոխչեմպիոն Ռուսաստանին (0:6) ու Վրաստանին (0:5) և ոչ ոքի խաղացել Ֆրանսիայի հավաքականի հետ (4:4), որին Երևանում տեղի ունեցած խաղի ընթացքում հաղթում էր 3:0 հաշվով:

Ֆոտո՝ ՀՖՖ

Հետևեք NEWS.am SPORT-ին Facebook-ում, Twitter և Telegram-ում