«Չելսին» ուժեղ էր «Լիվերպուլից» (տեսանյութ)

Անգլիայի առաջնության 29-րդ տուրի խաղում չեմպիոն «Լիվերպուլը» տանը խաղաց Լոնդոնի «Չելսիի» հետ։ Գերմանացի Յուրգեն Կլոպի գլխավորած թիմը պարտություն կրեց նվազագույն հաշվով։

Գերմանացի Թոմաս Տուխելի գլխավորած թիմի միակ գոլը 42-րդ րոպեին խփեց անգլիացի կիսապաշտպան Մեյսոն Մաունթը, որին արդյունավետ փոխանցում կատարեց ֆրանսիացի կիսապաշտպան Ն’Գոլո Կանտեն։

«Չելսին» 27 խաղում վաստակել է 47 միավոր եւ չորրորդն է։ «Լիվերպուլն» ունի 43 միավոր եւ 7-րդն է։

Անգլիայի առաջնություն, 29-րդ տուր

«Լիվերպուլ» - «Չելսի»՝ 0։1 (տեսանյութ)

Մեյսոն Մաունթ, 42

Հետևեք NEWS.am SPORT-ին Facebook-ում, Twitter և Telegram-ում