«Ռեալը» վերջին րոպեներին խուսափեց պարտությունից (տեսանյութ)

Իսպանիայի առաջնության 25-րդ տուրի խաղում Մադրիդի «Ռեալն» ընդունեց «Ռեալ Սոսիեդադին» եւ բավարարվեց ոչ ոքի արդյունքով՝ 1։1։

55-րդ րոպեին իսպանացի պաշտպան Նաչո Մոնռեալի փոխանցումից հետո աչքի ընկավ իսպանացի հարձակվող Պորտուն՝ առաջ մղելով հյուրերին։

Ֆրանսիացի Զինեդին Զիդանի գլխավորած թիմին պարտությունից փրկեց բրազիլացի հարձակվող Վինիսիուս Ժունիորի գոլը 89-րդ րոպեին։ Նա օգտագործեց իսպանացի կիսապաշտպան Լուկաս Վասկեսի փոխանցումը։

«Ռեալը» 53 միավորով հավասարվեց երկրորդ տեղում ընթացող «Բարսելոնայից» եւ երրորդն է։ «Ռեալ Սոսիեդադը» 5-րդն է՝ 42 միավոր։

Իսպանիայի առաջնություն, 25-րդ տուր

«Ռեալ» - «Ռեալ Սոսիեդադ»՝ 1։1 (տեսանյութ)

Վինիսիուս Ժունիոր, 89 - Պորտու, 55

Հետևեք NEWS.am SPORT-ին Facebook-ում, Twitter և Telegram-ում