ՈւԵՖԱ-ն ներկայացրել է ֆուտբոլի Չեմպիոնների լիգայի 1/8 եզրափակիչի առաջին հանդիպումների նախավերջին խաղային օրվա 2 խաղերի մրցավարներին:
Մրցաշարի գործող գավաթակիր Մյունխենի «Բավարիայի» և իտալական «Լացիոյին» միջև Հռոմում կայանալիք խաղը կսպասարկի իսրայելցի Օրել Գրինֆելդի մրցավարական բրիգադը:
Իսպանիայի առաջնության առաջատար Մադրիդի «Աթլետիկոյի» և Լոնդոնի «Չելսիի» միջև խաղում կաշխատեն գերմանացի մրցավարներ՝ Ֆելիքս Բրիխի գլխավորությամբ: «Աթլետիկո» - «Չելսի» հանդիպումը կանցկացվի չեզոք դաշտում՝ Ռումինիայի մայրաքաղաք Բուխարեստի Ազգային ստադիոնում:
Փետրվարի 23-ին կայանալիք 2 խաղերն էլ կմեկնարկեն Երևանի ժամանակով կեսգիշերին:
Հետևեք NEWS.am SPORT-ին Facebook-ում, Twitter և Telegram-ում