«Արսենալը» պարտվեց «Վուրլվերհեմփթոնին» (տեսանյութ)

Անգլիայի առաջնության 22-րդ տուրում Լոնդոնի «Արսենալը» հյուրընկալվեց «Վուլվերհեմփթոնին»։ Իսպանացի Միկել Արտետայի գլխավորած թիմը պարտություն կրեց 1։2 հաշվով։

Հյուրերի կազմում 32-րդ րոպեին հանդիպման հաշիվը բացեց կոտդիվուարցի հարձակվող Նիկոլյա Պեպեն, սակայն առաջին խաղակեսի ավելացված ժամանակում հեռացվեց «Արսենալի» բրազիլացի պաշտպան Դավիդ Լուիսը, որից հետո դաշտի տերերը վերականգնեցին հավասարությունը։

Երկրորդ խաղակեսի սկզբում «Վուլվերհեմփթոնը» խփեց նաեւ հաղթական գոլը։ Վերջնամասն «Արսենալն» անցկացրեց 9 ֆուտբոլիստներով։ Հեռացվեց նաեւ գերմանացի դարպասապահ Բերնդ Լենոն։ Նա դուրս եկավ տուգանային հրապարակից եւ ձեռքով գնդակն ուղարկեց խադաշտից դուրս։

«Արսենալը» 31 միավորով 10-րդ տեղում է, «Վուլվերհեմփթոնը» 13-րդն է՝ 26 միավոր։

Անգլիայի առաջնություն, 22-րդ տուր

«Վուլվերհեմփթոն» - «Արսենալ»՝ 2։1 (տեսանյութ)

Ռուբեն Նեւեշ, 45+5, Ժոաու Մոուտինյու, 49 - Նիկոլյա Պեպե, 32

Հեռացումներ՝ Դավիդ Լուիս («Արսենալ»), 45+3, Բերնդ Լենո («Արսենալ»), 72

«Շեֆիլդ Յունայթեդ» - «Վեստ Բրոմվիչ»՝ 2։1

Ջեյդն Բոգլ, 56, Բիլի Շարփ, 73 - Մեթ Ֆիլիպս, 41

Հետևեք NEWS.am SPORT-ին Facebook-ում, Twitter և Telegram-ում