«Լիվերպուլը» պարտվեց «Բարնլիին» (տեսանյութ)

Անգլիայի առաջնության 18-րդ տուրի խաղում չեմպիոն «Լիվերպուլը» «Էնֆիլդ» ստադիոնում ընդունեց «Բարնլիին» եւ պարտություն կրեց նվազագույն հաշվով։

Առաջին խաղակեսի ավելացված ժամանակում հեռացվեց «Լիվերպուլի» բրազիլացի կիսապաշտպան Ֆաբինյոն։

Հյուրերը թվային առավելությունը գոլի վերածեցին 83-րդ րոպեին։ 11 մետրանոցը արդյունավետ իրացրեց ավստրիացի հարձակվող Էշլի Բարնսը։

Գերմանացի Յուրգեն Կլոպի գլխավորած թիմն Անգլիայի առաջնությունում հաղթանակ չի տանում արդեն 5-րդ խաղում անընդմեջ (3 ոչ ոքի, 2 պարտություն) եւ 34 միավորով չորրորդ տեղում է՝ երրորդ տեղում ընթացող «Լեսթեր Սիթիին» զիջելով 4 միավոր։ «Բարնլին» 19 միավորով 16-րդ տեղում է։

Անգլիայի առաջնություն, 18-րդ տուր

«Լիվերպուլ» - «Բարնլի»՝ 0։1 (տեսանյութ)

Էշլի Բարնս, 83, 11մ

Հեռացում՝ Ֆաբինյո («Լիվերպուլ»), 45+2

Հետևեք NEWS.am SPORT-ին Facebook-ում, Twitter և Telegram-ում