E sono 5 con Henrikh Mkhitaryan!#BolognaRoma 1-5 pic.twitter.com/L7Se7wWZpl
— AS Roma (@OfficialASRoma) December 13, 2020
Իտալիայի առաջնության 11-րդ տուրում «Ռոման» հյուրընկալվեց «Բոլոնիային» եւ առավելության հասավ 5։1 հաշվով։
Արդեն 5-րդ րոպեին սեփական դարպասը գրավեց դաշտի տերերի իտալացի կիսապաշտպան Անդրեա Պոլին։ 10-րդ րոպեին հյուրերի առավելությունը կրկնապատկեց բոսնիացի հարձակվող Էդին Ջեկոն։ 5 րոպե անց «Ռոմայի» երրորդ գոլը խփեց իտալացի կիսապաշտպան Լորենցո Պելեգրինին։ 24-րդ րոպեին ինքնագոլ հեղինակ դարձավ «Ռոմայի» իտալացի կիսապաշտպան Բրիան Կրիստանտեն։
Հայաստանի հավաքականի կիսապաշտպան Հենրիխ Մխիթարյանը մայրաքաղաքային թիմի մեկնարկային կազմում էր։ 35-րդ րոպեին նրա փոխանցումից հետո աչքի ընկավ ֆրանսիացի կիսապաշտպան Ժորդան Վերետուն, իսկ 44-րդ րոպեին հայ ֆուտբոլիստը մրցակցի դարպասը գրավեց հոլանդացի պաշտպան Ռիկ Կարսդորպի փոխանցումից հետո։ Մխիթարյանը 150-րդ գոլը խփեց ակումբային կարիերայում։
«Ռոման» 21 միավորով 5-րդ տեղում է։
«Նապոլին» 2։1 հաշվով հաղթեց «Սամպդորիային» եւ 23 միավորով բարձրացավ երրորդ տեղ։
Իտալիայի առաջնություն, 11-րդ տուր
«Բոլոնիա» - «Ռոմա»՝ 1։5 (տեսանյութ)
Բրիան Կրիստանտե, 24, ինքնագոլ - Անդրեա Պոլի, 5, ինքնագոլ, Էդին Ջեկո, 10, Լորենցո Պելեգրինի, 15, Ժորդան Վերետու, 35, Հենրիխ Մխիթարյան, 44
Հեռացում՝ Նիկոլաս Դոմինգես («Բոլոնիա»), 89
Non male come primo tempo #BolognaRoma pic.twitter.com/sA1BvknK50
— AS Roma (@OfficialASRoma) December 13, 2020
«Նապոլի» - «Սամպդորիա»՝ 2։1 (տեսանյութ)
Իրվին Լոսանո, 53, Անդրեա Պետանյա, 68 - Յակուբ Յանկտո, 20
«Ատալանտա» - «Ֆիորենտինա»՝ 3։0
Ռոբին Գոզենս, 44, Ռուսլան Մալինովսկի, 55, Ռաֆայել Տոլոյ, 63
Հետևեք NEWS.am SPORT-ին Facebook-ում, Twitter և Telegram-ում