Կատալոնական «Բարսելոնայի» և Արգենտինայի ազգային հավաքականի հարձակվող Լիոնել Մեսին մարզական կարիերան կշարունակի ֆրանսիական ՊՍԺ-ում, տեղեկացնում է RMC Sport-ը:
Աղբյուրի հաղորդմամբ՝ 33-ամյա ֆուտբոլիստը փարիզյան ակումբի հետ պայմանագիր կկնքի 2021 թվականի ամռանը:
Հիշեցնենք, որ 2020 թվականի ամռանը Մեսին ցանկություն էր հայտնել հեռանալ «Բարսելոնայից», սակայն նրա ծառայություններով հետաքրքրվող «Մանչեսթեր Սիթին» չկարողացավ համաձայնության գալ կատալոնական թիմի հետ:
Ավելի վաղ ՊՍԺ-ի հարձակվող Նեյմարը հայտարարել էր, որ հույս ունի, որ հաջորդ մրցաշրջանում խաղալու է Մեսիի կողքին:
Հետևեք NEWS.am SPORT-ին Facebook-ում, Twitter և Telegram-ում