Անգլիական «Մանչեսթեր Յունայթեդի» մամուլի ծառայությունը ներկայացրել է թիմի դեկտեմբեր ամսվա լավագույն ֆուտբոլիստին:
Ամսվա լավագույն ֆուտբոլիստի կոչմանն արժանացել է պորտուգալացի կիսապաշտպան Բրունու Ֆերնանդեշը, որը լավագույնն էր ճանաչվել նաև փետրվար, մարտ, հունիս և օգոստոս ամիսներին:
Ընթացիկ մրցաշրջանում 26-ամյա Ֆերնանդեշը «Մանչեսթեր Յունայթեդի» կազմում մասնակցել է 14 հանդիպման, խփել 10 գոլ, կատարել 5 գոլային փոխանցում:
Հիշեցնենք, որ Պորտուգալիայի ազգային հավաքականի ֆուտբոլիստը «Մանչեսթեր Յունայթեդ» է տեղափոխվել 2020 թվականի ձմեռային տրանսֆերային պատուհանի ընթացքում:
Հետևեք NEWS.am SPORT-ին Facebook-ում, Twitter և Telegram-ում