Կատալոնական «Բարսելոնայի» իսպանացի կիսապաշտպան Սերխի Ռոբերտոն վարակվել է կորոնավիրուսով, տեղեկացնում է ակումբի մամուլի ծառայությունը:
28-ամյա ֆուտբոլիստի կորոնավիրուսի թեստի պատասխանը եղել է դրական: Նա հիվանդությունը տանում է անսիմպտոմ:
Սերխի Ռոբերտոն դեկտեմբերի 12-ին կրկնակի թեստ կհանձնի: Եթե թեստի պատասխանը լինի բացասական, նա կվերսկսի մարզումները:
Հիշեցնենք, որ Սերխի Ռոբերտոն ապաքինվում էր վնասվածքից, որը ստացել էր նոյեմբերի 21-ին:
Հետևեք NEWS.am SPORT-ին Facebook-ում, Twitter և Telegram-ում