21:40  ,  1 դեկտեմբերի, 2020

58-ամյա Էվանդեր Հոլիֆիլդը ռինգ է վերադառնում

Պրոֆեսիոնալ բռնցքամարտի ծանր քաշային կարգում աշխարհի նախկին չեմպիոն Էվանդեր Հոլիֆիլդը կմենամարտի 56-ամյա բրիտանացի Գլեն Մաքրորիի հետ: Աշխարհի նախկին չեմպիոն Մաքրորին հայտնել է, որ 58-ամյա ամերիկացու հետ մենամարտի վերաբերյալ պայմանավորվել է հեռախոսազրույցում:

«Օրերս հեռախոսազրույց եմ ունեցել Հոլիֆիլդի հետ, և նա ասաց, որ պատրաստ է մենամարտել ինձ հետ: Էվանդերն ինձանից փախչել է 30 տարի, իսկ հիմա վերջապես քաջություն է հավաքել: Կարծում եմ՝ մենամարտը տեղի կունենա ապրիլին»,- Գլեն Մաքրորիի խոսքը մեջբերում է talkSPORT-ը:

Հիշեցնենք, որ Էվանդեր Հոլիֆիլդը նախորդ մենամարտն անցկացրել է 2011 թվականին:

Հետևեք NEWS.am SPORT-ին Facebook-ում, Twitter և Telegram-ում