Ֆորմուլա-1-ի չեմպիոնի տիտղոսը 7-րդ անգամ նվաճած Լյուիս Հեմիլթոնը հավակնում է ВВС Sports Personality of the Year Award մրցանակին, որը շնորհվում է Մեծ Բրիտանիայի տարվա լավագույն մարզիկին, հայտնում է ВВС-ն:
«Մերսեդեսի» 35-ամյա ավտոարշավորդից բացի, մրցանակին հավակնում են նաև ֆուտբոլի Անգլիայի հավաքականի և «Լիվերպուլի» կիսապաշտպան Ջորդան Հենդերսոնն ու կրիկետի աստղ Ստյուարդ Բրոդը: Եվս 3 հավակնորդների անուններ կհրապարակվեն առաջիկայում, իսկ հաղթողը հայտնի կդառնա դեկտեմբերի 20-ին:
Նախորդ տարի այս մրցանակին արժանացել է կրիկետի խաղացող Բեն Սթոուկսը: Թենիսիստ Էնդի Մարեյը միակ մարզիկն է, որը 3 անգամ ստացել է մրցանակը:
Հետևեք NEWS.am SPORT-ին Facebook-ում, Twitter և Telegram-ում