Կատալոնական «Բարսելոնայի» նախկին նախագահ Ժոան Լապորտան նոյեմբերի 30-ին հայտարարել է ակումբի նախագահական ընտրություններում իր թեկնածությունն առաջադրելու մասին:
58-ամյա Լապորտան հայտարարել է, որ կարող է ակումը դուրս բերել ֆինանսական ծանր իրավիճակից: «Բարսելոնայի» նախկին նախագահը նաև նշել է, որ հաղթանակ տանելու դեպքում թիմ կվերադարձնի Խոսեպ Գվարդիոլային:
Հիշեցնենք, որ Ժոան Լապորտան «Բարսելոնայի» 38-րդ նախագահն է: Կատալոնացի քաղաքական գործիչն ակումբը ղեկավարել է 2003-2008 թվականներին:
Ժոան Լապորտան իր թեկնածությունն առաջադրել էր նաև 2015 թվականին տեղի ունեցած ընտրություններում, սակայն ստացած ձայների քանակով պարտվեց կատալոնական ակումբի գործող նախագահ Խոսեպ Մարիա Բարտոմեուին:
«Բարսելոնայի» նախագահական ընտրությունները տեղի կունենան 2021 թվականի սկզբին:
Հետևեք NEWS.am SPORT-ին Facebook-ում, Twitter և Telegram-ում