Կատալոնական «Բարսելոնայի» բժիշկները փորձում են համոզել թիմի կենտրոնական պաշտպան Ժերար Պիկեին վիրահատության ենթարկվել և լիարժեք բուժում ստանալ, տեղեկացնում է Sport.es-ը:
«Բարսելոնայի» իսպանացի պաշտպան Ժերար Պիկեն վնասվածք է ստացել Մադրիդի «Աթլետիկոյի» դեմ Իսպանիայի առաջնության խաղում (0:1) և վիրահատության ենթարկվելու դեպքում կարող է բաց թողնել 6-8 ամիս:
«Դա լուրջ վնասվածք է: Իրադարձությունների անհաջող զարգացման դեպքում նրա վերականգնման համար կարող է պահանջվել 6-8 ամիս: Հակառակ դեպքում կարող ենք խոսել 3-3.5 ամսվա մասին»,- ավելի վաղ հայտարարել էր Իսպանիայի լավագույն վնասվածքաբաններից Պեդրո Լուիս Ռիպոլը:
Իսպանիայի ընթացիկ առաջնությունում Պիկեն մասնակցել է 8 հանդիպման:
Հետևեք NEWS.am SPORT-ին Facebook-ում, Twitter և Telegram-ում