Ֆուտբոլի Հայաստանի ազգային հավաքականի նախկին հարձակվող Յուրա Մովսիսյանը մեկնաբանել է Ազգերի լիգայի C դիվիզիոնի երկրորդ խմբում Հյուսիսային Մակեդոնիայի նկատմամբ տարած հաղթանակը:
«ՀԱՅԵՐ: Հպարտ եմ մեր տղաներով:
Ազգերի լիգայի մրցաշարում Հայաստանի հավաքականն իր խմբում գրավեց առաջին տեղը»,- գրել է Մովսիսյանը Ֆեյսբուքի իր պաշտոնական էջում:
Հիշեցնենք, որ Հայաստանի հավաքականը հաղթանակ է տարել 1:0 հաշվով: 55-րդ րոպեին Հայաստանի հավաքականի միակ ու հաղթական գոլը խփել է Հովհաննես Համբարձումյանը:
Հայաստանի հավաքականը C դիվիզիոնի երկրորդ խմբում 11 միավորով գրավեց առաջին տեղը: Հյուսիսային Մակեդոնիան 9 միավորով մրցաշարային աղյուսակի երկրորդ տեղում է: Վրաստանը ունի 7 միավոր և երրորդ տեղում է, իսկ Էստոնիան 3 միավորով վերջին՝ չորրորդ տեղում է:
Մակեդոնացիների նկատմամբ հաղթանակը Հայաստանի հավաքականին հնարավորություն տվեց Ազգերի լիգայի հաջորդ մրցաշարում բարձրանալ B դիվիզիոն, որտեղ մրցակիցները կլինեն անհամեմատ ավելի ուժեղ:
HAYERR!!! Proud of our Boys! Armenia Wins their group in UEFA Nations League!
Posted by Yura Movsisyan on Wednesday, November 18, 2020
Հետևեք NEWS.am SPORT-ին Facebook-ում, Twitter և Telegram-ում