Ղազախստանի պրոֆեսիոնալ ֆուտբոլային լիգան կազմել է երկրի Առաջին դիվիզիոնի ավարտված առաջնության խորհրդանշական հավաքականը: InStat-ի տվյալների հիման վրա կազմված թիմում տեղ է գտել նաև «Ատիրաուի» կիսապաշտպան, Հայաստանի հավաքականի նախկին խաղացող Արտակ Դաշյանը:
«Հայ խաղացող Արտակ Դաշյանը առանցքային օղակ է «Ատիրաուի» խաղային կառույցներում: Առջևի գծում նա հաղթել է 63 տոկոս մենապայքարներում, 34 անգամ խլել է գնդակը և 46 անգամ կասեցրել մրցակցի փոխանցումը: Դաշյանը խփեց 3 գոլ, որոնցից մեկը դարձավ Առաջին լիգայի իսկական զարդը: Գործողությունների ինդեքսը՝ 217»,- Արտակ Դաշյանի մասին գրում է աղբյուրը:
Հիշեցնենք, որ այս մրցաշրջանում «Ատիրաուն» Արամ Ոսկանյանի գլխավորությամբ նվաճել է Ղազախստանի ուժեղագույնների լիգայի ուղեգիր:
Հետևեք NEWS.am SPORT-ին Facebook-ում, Twitter և Telegram-ում