Ուսեյն Բոլթ. Հիմա Ռոնալդուն ինձանից արագ է

Օլիմպիական խաղերի ութակի չեմպիոն, 100 եւ 200 մետր վազքի աշխարհի ռեկորդակիր Ուսեյն Բոլթն անդրադարձել է Թուրինի «Յուվենտուսի» պորտուգալացի հարձակվող Կրիշտիանու Ռոնալդուին:

«Հիմա Կրիշտիանուն հեշտությամբ կհաղթի ինձ: Նա դեռ շարունակում է կարիերան և մեծ աշխատանք կատարում ամեն օր: Ինձ համար նա սուպերմարզիկ է: Նա իր մարզաձևի բարձունքում է և պահպանում է կենտրոնացվածությունը: Այնպես որ, հիմա նա ինձանից արագ է:

Ինչ վերաբերում է ֆուտբոլային կարիերային, եթե ես մնայի Եվրոպայում, ամեն բան կստացվեր: Ես ցանկանում էի մեկնել Ավստրալիա՝ լրագրողներից ու բոլորից հեռու: Կարծում էի, որ դա կօգնի ինձ, իսկ ճնշումը քիչ կլինի: Սակայն դա տեղի չունեցավ: Ռասիզմի դրսևորումները շարունակվում են ամբողջ աշխարհում: Դա սարսափելի է: Ժամանակին այն քիչ էր աթլետիկայում, բայց կար»,- ջամայկացի արագավազորդի խոսքը մեջբերում է Marca-ը:

Հիշեցնենք, որ Բոլթը վազորդի կարիերան ավարտել է 2017 թվականին։ Այնուհետև նա սկսեց ֆուտբոլիստի կարիերա, որը երկար չտևեց:

Հետևեք NEWS.am SPORT-ին Facebook-ում, Twitter և Telegram-ում