13:11  ,  14 նոյեմբերի, 2020

Եվրո-2020-ը կարող է ընդունել Մեծ Բրիտանիան

Մեծ Բրիտանիան կարող է ամբողջությամբ ընդունել ֆուտբոլի Եվրոպայի առաջնությունը, հաղորդում է Daily Mail-ը:

ՈւԵՖԱ-ն շարունակում է հիմնական համարել Եվրո-2020-ի անցկացման հիմնական տարբերակը, սակայն քննարկում է նաև այլընտրանքային տարբերակներ: Կան քննարկումներ այն ուղղությամբ, որ մրցաշարը կարող է ընդունել միայն Մեծ Բրիտանիան:

Ավելի վաղ ֆրանսիական Le Parisien-ը հայտնել էր, որ Եվրո-2020-ը կորոնավիրուսի համավարակի պատճառով կարող է անցկացվել մեկ երկրում: Նշվում էր նաև Ռուսաստանը:

Հիշեցնենք, որ կորոնավիրուսի համավարակի պատճառով Եվրոպայի առաջնությունը հետաձգվել էր մեկ տարով և կանցկացվի 2021 թվականի հունիսի 11-ից հուլիսի 11-ը: Եվրոպայի առաջնության եզրափակիչ մրցաշարն առաջին անգամ պետք է տեղի ունենա 12 քաղաքներում՝ Լոնդոնում, Մյունխենում, Հռոմում, Կոպենհագենում, Բուխարեստում, Ամստերդամում, Դուբլինում, Բիլբաոյում, Բուդապեշտում, Սանկտ Պետերբուրգում, Գլազգոյում եւ Բաքվում:

Հետևեք NEWS.am SPORT-ին Facebook-ում, Twitter և Telegram-ում


  • Այս թեմայով

  • Լրահոս