Ֆուտբոլի Հայաստանի գավաթի խաղարկության 1/8 եզրափակիչի պատասխան խաղում Երեւանի «Ալաշկերտը» տանը 1:0 հաշվով հաղթեց Գյումրիի «Շիրակին» և դուրս եկավ հաջորդ փուլ։ Խաղի միակ գոլը 81-րդ րոպեին խփեց սերբ հարձակվող Ալեքսանդր Գլիշիչը: Դաշտի տերերի բրազիլացի հարձակվող Տիագո Գալվաոն առաջին խաղակեսում չկարողացավ անվրեպ իրացնել 11 մետրանոց հարվածը:
Գյումրիում տեղի ունեցած առաջին խաղում ևս «Ալաշկերտը» հասել էր հաղթանակի (2:1):
Հայաստանի Գավաթի քառորդ եզրափակիչի զույգերը կորոշվեն վիճակահանությամբ: Գործող գավաթակիր «Նոան» և Հայաստանի չեմպիոն «Արարատ-Արմենիան» պայքարի մեջ կմտնեն քառորդ եզրափակիչից:
Հայաստանի Գավաթ, 1/8 եզրափակիչ, պատասխան հանդիպում
«Ալաշկերտ» - «Շիրակ»՝ 1:0 (առաջին խաղ՝ 2:1)
Ալեքսանդր Գլիշիչ, 81
Չիրացված 11 մետրանոց՝ Տիագո Գալվաո, 24 («Ալաշկերտ»)
Հետևեք NEWS.am SPORT-ին Facebook-ում, Twitter և Telegram-ում