Չեմպիոնների լիգայի խմբային փուլի երրորդ տուրում Մադրիդի «Աթլետիկոն» հյուրընկալվել էր ռուսական «Լոկոմոտիվին», իսկ Դոնեցկի «Շախտյորն» ընդունել էր Մյոնխենգլադբախի «Բորուսիային»:
«Լոկոմոտիվ» - «Աթլետիկո» հանդիպումն ավարտվեց ոչ ոքի՝ 1:1 հաշվով: «Աթլետիկոյի» կազմից գոլի հեղինակ դարձավ ուրուգվայցի պաշտպան Խոսե Խիմենեսը, իսկ «Լոկոմոտիվի» գոլը 11 մետրանոցից խփել է ռուս կիսապաշտպան Անտոն Միրանչուկը:
«Բորուսիան» հյուրընկալվելիս 6:0 հաշվով հաղթել է «Շախտյորին»: Հեթ-տրիկի հեղինակ է դարձել ֆրանսիացի հարձակվող Ալասան Պլեան, գոլեր են հեղինակել նաև ալժիրցի պաշտպան Ռեմե Բենսեբաինին և գերմանացի կիսապաշտպան Լարս Շտինդլը: Ինքնագոլի հեղինակ է դարձել ուկրաինացի պաշտպան Վալերի Բոնդարը:
Չեմպիոնների լիգա, խմբային փուլ, երրորդ տուր
A խումբ
«Լոկոմոտիվ» (Ռուսաստան) - «Աթլետիկո» (Իսպանիա)՝ 1:1 (տեսանյութ)
Անտոն Միրանչուկ, 25 (11մ) - Խոսե Խիմենես, 18
B խումբ
«Շախտյոր» (Ուկրաինա) - «Բորուսիա Մյոնխենգլադբախ» (Գերմանիա)՝ 0:6 (տեսանյութ)
Ալասան Պլեա, 8, 26, 78, Վալերի Բոնդար, 17 (ինքնագոլ), Ռեմե Բենսեբաինի, 44, Լարս Շտինդլ, 65,
Հետևեք NEWS.am SPORT-ին Facebook-ում, Twitter և Telegram-ում