«Նոա» - «Ալաշկերտ» ֆուտբոլի Հայաստանի Պերմիեր լիգայի 11-րդ տուրի խաղում գրանցվել է հերթական մրցավարական սխալը:
Հանդիպման գլխավոր մրցավար Աշոտ Ղալթախչյանը 24-րդ րոպեին սխալմամբ է 11 մետրանոց հարված նշանակել «Նոայի» դարպասին: «Նոայի» ֆուտբոլիստները կանոնները խախտել են տուգանային հրապարակից դուրս, սակայն մրցավարը նշանակել է 11 մետրանոց հարված, որն անվրեպ էր իրացրել «Ալաշկերտի» սերբ հարձակվող Ալեքսանդր Գլիշիչը:
Հիշեցնենք, որ այդ խաղում «Ալաշկերտը» 2:1 հաշվով առավելության էր հասել առաջին խաղակեսում խփած գոլերի շնորհիվ:
Հետևեք NEWS.am SPORT-ին Facebook-ում, Twitter և Telegram-ում