«Մանչեսթեր Յունայթեդի» նախկին ֆուտբոլիստ, Ուելսի ազգային հավաքականի գլխավոր մարզիչ Ռայան Գիգզը կարծում է, որ անգլիական ակումբը Պրեմյեր լիգայի չեմպիոնի տիտղոսը դարձյալ կկարողանա նվաճել 15-20 տարի հետո:
«Երբ «Լիվերպուլը» 1990 թվականին դարձավ Անգլիայի չեմպիոն, նրանց թվաց, թե այդ հաջողությունը հնարավոր կլինի կրկնել շատ կարճ ժամանակ անց, սակայն 30 տարի պահանջվեց կրկին չեմպիոն դառնալու համար:
«Մանչեսթեր Յունայթեդը» պետք է շարունակի աշխատել: Եթե Պրեմյեր լիգայում ամեն ինչ շարունակվի այնպես, ինչպես հիմա է, ապա Սուլշերից 15-20 տարի կպահանջվի կրկին չեմպիոն դառնալու համար»,- Գիգզի խոսքը փոխանցում է Sky Sports-ը:
Հիշեցնենք, որ նախորդ անգամ «Մանչեսթեր Յունայթեդը» Անգլիայի չեմպիոն հռչակվել է 2012/2013թթ. մրցաշրջանում՝ Ալեքս Ֆերգյուսոնի գլխավորությամբ:
Հետևեք NEWS.am SPORT-ին Facebook-ում, Twitter և Telegram-ում