Իտալական «Ռոմայի» գլխավոր մարզիչ Պաուլու Ֆոնսեկան մեկնաբանել է Եվրոպայի լիգայի առաջին տուրում շվեյցարական «Յանգ Բոյզի» նկատմամբ արտագնա հաղթանակը 2:1 հաշվով:
«Կարևոր է հավատալ քո խաղացողներին: Ստացվեց բարդ հանդիպում: Չմոռանանք, որ նույնիսկ «Յուվենտուսը» պարտվել էր այստեղ տարիներ առաջ: Բացի այդ, «Յանգ Բոյզը» 15 անընդմեջ հաղթանակ էր տարել տնային խաղերում: Հաղթանակի հասնելը կարևոր էր, և մենք գլուխ հանեցինք:
Առջևում դե կա երկար ճանապարհ: Մենք հանգստանալու հնարավորություն էինք տվել մի քանի խաղացողների, և հիմա կարող են պատրաստվել «Միլանի» դեմ А Սերիայի խաղին»,- մարզիչի խոսքը մեջբերում է Sky Sport Italia-ն:
Հիշեցնենք, որ այդ խաղում Հայաստանի հավաքականի կիսապաշտպան Հենրիխ Մխիթարյանը «Ռոմայի» կազմում փոխարինման էր դուրս եկել 59-րդ րոպեին, երբ «Յանգ Բոյզն» առջևում էր հաշվի մեջ: 73-րդ րոպեին Մխիթարյանը կատարել էր հաղթական գոլի փոխանցումը, որը եզրափակել էր ալբանացի պաշտպան Մարաշ Կումբուլան։
Հետևեք NEWS.am SPORT-ին Facebook-ում, Twitter և Telegram-ում
00:47 , 20 ապրիլի 
23:08 , 19 ապրիլի 
22:26 , 19 ապրիլի 
21:51 , 19 ապրիլի 
21:03 , 19 ապրիլի 
20:26 , 19 ապրիլի 
19:28 , 19 ապրիլի 
19:15 , 19 ապրիլի 
18:50 , 19 ապրիլի 
18:32 , 19 ապրիլի 
