22:05  ,  21 հոկտեմբերի, 2020

Մբապեն ցանկանում է տեղափոխվել «Լիվերպուլ»

Ֆրանսիայի չեմպիոն ՊՍԺ-ի եւ աշխարհի չեմպիոն Ֆրանսիայի հավաքականի 21-ամյա հարձակվող Կիլիան Մբապեն ցանկանում է կարիերան շարունակել անգլիական «Լիվերպուլում» եւ գերմանացի Յուրգեն Կլոպի գլխավորած թիմին միանալ հաջորդ ամռանը, հաղորդում է ֆրանսիական Le Parisien-ը։

Մբապեի ծառայություններով հետաքրքրված է նաեւ Մադրիդի «Ռեալը»։ Ֆուտբոլիստի պայմանագիրը ՊՍԺ-ի հետ նախատեսված է մինչեւ 2022 թվականը։ Փարիզյան ակումբը ցանկանում է հինգ տարով երկարաձգել Մբապեի պայմանագիրը, սակայն մերժում է ստացել։

Ֆրանսիայի ընթացիկ առաջնությունում Մբապեն մասնակցել է 4 հանդիպման, խփել 4 գոլ, կատարել 3 գոլային փոխանցում։

Հետևեք NEWS.am SPORT-ին Facebook-ում, Twitter և Telegram-ում