Լոնդոնի «Չելսիի» գլխավոր մարզիչ Ֆրենկ Լեմպարդը մեկնաբանել է Չեմպիոնների լիգայի խմբային փուլի առաջին տուրում իսպանական «Սևիլիայի» հետ գոլազուրկ ոչ ոքին:
«Հաճելի զգացողություններ կան «չոր» խաղից, դրա համար անհրաժեշտ է պայքարել: Տիագո Սիլվան անցկացրեց հրաշալի հանդիպում, նա ունի փորձ ու մակարդակ: Կազմակերպված խաղ ցուցադրեցինք լավ թիմի դեմ: Բավական զգույշ խաղ էր: Վաստակեցինք մեկ միավոր և շարժվում ենք առաջ: Ենթադրում եմ, որ 2 թիմերն էլ գոհ են ոչ ոքիից»,- անգլիացի մասնագետի խոսքը մեջբերում է BBC-ն:
Հիշեցնենք, որ E խմբի մյուս խաղում ֆրանսիական «Ռենը» և ռուսական «Կրասնոդարը» ևս չէին պարզել հաղթողին՝ 1:1:
Հետևեք NEWS.am SPORT-ին Facebook-ում, Twitter և Telegram-ում