ՈւԵՖԱ-ն ներկայացրել է այս մրցաշրջանում Չեմպիոնների լիգայի և Եվրոպայի լիգայի հոնորարների վերաբերյալ տեղեկատվություն, hաղորդում է ՈւԵՖԱ-ի մամուլի ծառայությունը:
Չեմպիոնների լիգայի խմբային փուլի 32 մասնակիցներից յուրաքանչյուրը կստանա 15,25 միլիոն եվրո: Խմբային փուլում յուրաքանչյուր հաղթանակի համար ակումբները կստանան ևս 2.7 միլիոն եվրո, ոչ ոքիի համար՝ 0.9 միլիոն:
Փլեյ-օֆֆի բոնուսները
1/8 եզրափակիչ դուրս գալու համար - 9,5 միլիոն եվրո
1/4 եզրափակիչ դուրս գալու համար - 10,5 միլիոն եվրո
Կիսաեզրափակիչ դուրս գալու համար - 12 միլիոն եվրո
Եզրափակիչ դուրս գալու համար - 15 միլիոն եվրո
Չեմպիոնների լիգայի հաղթողը կստանա ևս 4 միլիոն եվրո պարգևավճար:
Եվրոպայի լիգայի խմբային փուլի 48 մասնակիցներից յուրաքանչյուրը կստանա 2,92 միլիոն եվրո: Խմբային փուլում յուրաքանչյուր հաղթանակի համար ակումբները կվաստակեն ևս 570 հազար եվրո, ոչ ոքիի համար՝ 190 հազար: Խմբերում հաղթած թիմերը կստանան ևս 1 միլիոն եվրո, իսկ երկրորդ տեղ գրավածները՝ 500-հազարական:
Փլեյ-օֆֆի բոնուսները
1/16 եզրափակիչ դուրս գալու համար - 500 հազար եվրո
1/8 եզրափակիչ դուրս գալու համար - 1.1 միլիոն եվրո
1/4 եզրափակիչ դուրս գալու համար - 1.5 միլիոն եվրո
Կիսաեզրափակիչ դուրս գալու համար - 2.4 միլիոն եվրո
Եզրափակիչ դուրս գալու համար - 4.5 միլիոն եվրո
Եվրոպայի լիգայի հաղթողը կստանա ևս 4 միլիոն եվրո պարգևավճար:
Հետևեք NEWS.am SPORT-ին Facebook-ում, Twitter և Telegram-ում