Հոկտեմբերի 11-ին նախատեսված Ազգերի լիգայի Հայաստան - Վրաստան հանդիպման վայրը փոխվել է ՈւԵՖԱ-ի նախաձեռնությամբ։
Հանդիպումը տեղի կուննա նույն օրը Լեհաստանի Տիխի քաղաքում, հաղորդում է ՀՖՖ-ի մամուլի ծառայությունը։
Ինչպես և Հայաստան - Ալբանիա հանդիպման դեպքում, ՈՒԵՖԱ-ն որոշումը ընդունել է՝ հաշվի առնելով տարածաշրջանում ստեղծված իրավիճակը:
Հայաստանի ֆուտբոլի ֆեդերացիան վերջին օրերի բանակցությունների ընթացքում վերահաստատել է ՀՀ կառավարության պատրաստակամությունը հանդիպումն անցկացնել Երևանում։
Հայաստանի իշխանությունները դեռևս նախորդ շաբաթ անվտանգության երաշխիքները հավաստող պաշտոնական գրություն էին տրամադրել ՈւԵՖԱ-ի ղեկավարությանը։
ՀՖՖ-ն, իր հերթին, պնդել է, որ պատրաստ է Հայաստան - Վրաստան հանդիպումն անցկացնել Երեւանում՝ հաշվի առնելով տրված երաշխիքները, սակայն ՈւԵՖԱ-ն այլ որոշում է կայացրել։
Հանդիպումը կանցկացվի առանց հանդիսատեսների։
Հոկտեմբերի 14-ին Ազգերի լիգայի խմբային փուլում Հայաստանի հավաքականը Տալինում կմրցի Էստոնիայի թիմի հետ։
Ազգերի լիգայի Ադրբեջան - Կիպրոս հանդիպումը Բաքվից տեղափոխվել է Ալբանիայի Էլբասան քաղաք։ Այն տեղի կունենա հոկտեմբերի 13-ին։
Հետևեք NEWS.am SPORT-ին Facebook-ում, Twitter և Telegram-ում