11:42  ,  30 սեպտեմբերի, 2020

Արսեն Հարությունյան․ Համոզված ենք, որ այս անգամ ևս հաղթանակը մերն է լինելու

Ազատ ոճի ըմբշամարտի Եվրոպայի չեմպիոն Արսեն Հարությունյանը գրառում է արել Ֆեյսբուքում։

«Համոզված ենք, որ այս անգամ ևս հաղթանակը մերն է լինելու։Կանք, պիտի լինենք ու դեռ շատանանք։ Աստված պահապան բոլորիս»,- գրել է ըմբիշը։

Ավելի վաղ Արսեն Հարությունյանը հայտնել էր, որ պատրաստվում է առաջնագիծ։

«Ցանկացած հայ հիմա սրտի թրոփյունով սպասում է հրամանի։ Համոյի և Սայադի համատեղ ջանքերով 2016-ի ապրիլի 3-ին ստեղծված կամավորականների «Հայդուկ» ջոկատը  հրամանատարներ Կարեն Հարությունյանի , Կարեն Ռաշոյանի, Սայադ Հայրապետյանի և 350 կամավորականների հետ միասին սպասում ենք հրամանի, որպեսզի ես էլ նրանց հետ միասին մեկնենք առաջնագիծ։

Արցախը մերն է, իսկ այն ինչ իրենցը չէ՝ չեն կարողանալու զենքով վերցնել։ Մեր ժողովրդին էլ կոչ եմ անում միասնական լինել, քանի որ մեր համախմբվածությունը, հաղթանակի գրավական լինելուց բացի, առավել հզոր զենք է, քան ազերիների միլիարդավոր դոլարներ արժեցող զինատեսակները։

Անկախ ամեն ինչից այս պահին մեր առաջնահերթությունը մեր սահմանն է, մեր ժողովրդի անվտանգությունը։ Հաղթելու գրավականը նախ և առաջ ոգին է, ինչը և առկա է մեր զինվորների մոտ։ Մենք ձեզ հետ պատրաստ ենք գնալ մինչև վերջ։

Նաև խորին ցավակցությունս եմ հայտնում մեր պետական սահմանը պաշտպանելիս զոհված հերոսների ընտանիքներին ու հարազատներին: Աստված պահապան բոլորիս»,- գրել էր Արսեն Հարությունյանը։

Հետևեք NEWS.am SPORT-ին Facebook-ում, Twitter և Telegram-ում