Կարեն Խաչանովը հաղթեց Ֆրանսիայի բաց առաջնության մեկնարկում

Ռուսաստանցի Կարեն Խաչանովը դուրս եկավ թենիսի Ֆրանսիայի բաց առաջնության երկրորդ շրջան։ Հայ թենիսիստը մրցեց Լեհաստանի ներկայացուցիչ Կամիլ Մայխշակի հետ եւ հաղթանակ տարավ երեք սեթում՝ 7:6 (3։7), 6:3, 6:3։ Պայքարը տեւեց 1 ժամ 59 րոպե։

Երկրորդ շրջանում Կարեն Խաչանովի մրցակիցը կլինի Չեխիայի ներկայացուցիչ Իրժի Վեսելին, որն առաջին շրջանում պարտության է մատնել բրիտանացի Լիամ Բրոեդիին։

Ռուսաստանի ներկայացուցիչ Մարգարիտա Գասպարյանն առաջին շրջանում 2:6, 3:6 հաշվով պարտվել է բելգիացի Էլիսե Մերտենսին և լքել պայքարը: 

Ֆրանսիայի բաց առաջնությունը կավարտվի հոկտեմբերի 11-ին։ Մենախաղի գործող չեմպիոններն են իսպանացի Ռաֆայել Նադալն ու ավստրալուհի Էշլի Բարթին։

Հետևեք NEWS.am SPORT-ին Facebook-ում, Twitter և Telegram-ում