Իտալական «Լացիոյի» տնօրեն Իգլի Տարեն եւ գլխավոր մարզիչ Սիմոնե Ինձագին հաստատել են, որ առաջիկա օրերին անգլիական «Մանչեսթեր Յունայթեդի» կիսապաշտպան Անդրեաս Պերեյրան կտեղափոխվի հռոմեական ակումբ։
«Պերեյրան բարձրակարգ ֆուտբոլիստ է, որը կարող է մեզ շատ օգնել։ Ես չէի ցանկանա ավելին ասել խաղացողի մասին, որը դեռ չի միացել մեզ, բայց Իգլի Տարեն գիտի, թե ինչ պետք է անել»,- Ինձագիի խոսքը մեջբերում է Goal.com-ը։
24-ամյա բրազիլացի ֆուտբոլիստը 2018թ․ ամռանն է իսպանական «Վալենսիայից» տեղափոխվել «Մանչեսթեր Յունայթեդ»։ Անցած մրցաշրջանում նա նորվեգացի Սուլշերի գլխավորած թիմի հետ մասնակցել է 40 հանդիպման, խփել 2 գոլ, կատարել 4 գոլային փոխանցում։
Հետևեք NEWS.am SPORT-ին Facebook-ում, Twitter և Telegram-ում