Ռոնալդուն ռեկորդի հեղինակ է դարձել

Թուրինի «Յուվենտուսի» և Պորտուգալիայի ազգային հավաքականի առաջատար Կրիշտիանու Ռոնալդուն ռեկորդի հեղինակ է դարձել Ա Սերիայի երկրորդ տուրի՝ «Ռոմայի» դեմ խաղում:

35-ամյա Ռոնալդուն «Ռոմայի» դեմ խաղում դարձավ դուբլի հեղինակ: Պորտուգալացի հարձակվողը խփեց 449-րդ և 450-րդ գոլերը Եվրոպայի առաջատար 5 առաջնություններում:

Նախկինում որևէ ֆուտբոլիստի չէր հաջողվել դառնալ նման նվաճման հեղինակ:

Կրիշտիանու Ռոնալդուն 84 գոլ խփել է «Մանչեսթեր Յունայթեդի», 311 գոլ՝ «Ռեալի», 55 գոլ՝ «Յուվենտուսի» կազմում:

«Յուվենտուս» - «Ռոմա» հանդիպումն ավարտվեց 2:2 հաշվով: Թուրինյան ակումբը 4 միավորով 5-րդ տեղում է, «Ռոման» 13-րդն է՝ 1 միավոր։

Հետևեք NEWS.am SPORT-ին Facebook-ում, Twitter և Telegram-ում