Հայկական շախմատի առաջատար Լեւոն Արոնյանը կայծակնային խաղի Banter Series Final օնլայն մրցաշարի կիսաեզրափակիչում պարտվեց աշխարհի չեմպիոն, նորվեգացի Մագնուս Կարլսենին՝ 2,5։5,5։ Հայ գրոսմայստերը հաղթանակներ տարավ առաջին երկու պարտիաներում, սակայն հաջորդ 6 պարտիաներում 5 պարտություն կրեց, մեկ անգամ էլ խաղաց ոչ ոքի։
Եզրափակիչում Մագնուս Կարլսենի մրցակիցը կլինի ամերիկացի Ուեսլի Սոն, որը 6։3 հաշվով հաղթեց վիետնամցի Լե Կուանգ Լիեմին։
Հիշեցնենք, որ Լեւոն Արոնյանը 1/8 եզրափակիչում 5,5։2,5 հաշվով հաղթել էր անգլիացի Գեւեյն Ջոնսին, քառորդ եզրափակիչում՝ ռուսաստանցի Ալեքսանդր Գրիշչուկին (5,5։3,5)։
Մրցաշարի մրցանակային հիմնադրամը 36 հազար դոլար է։
Հետևեք NEWS.am SPORT-ին Facebook-ում, Twitter և Telegram-ում