Լեւոն Աղասյանը՝ ոսկե մեդալակիր Բալկանյան երկրների առաջնությունում (ֆոտո)

Աթլետիկայի Հայաստանի հավաքականի առաջատար եռացատկորդ Լեւոն Աղասյանը ոսկե մեդալ է նվաճել Ռումինիայի Կլուժ քաղաքում ավարտված Բալկանյան երկրների առաջնությունում։

Մարզիչ Արսեն Պետրոսյանի սանը եռացատկում առաջին տեղը զբաղեցրել է 16 մետր 53 սմ արդյունքով։ 25-ամյա կապանցի ցատկորդն իր 6-րդ ոսկե մեդալն է նվաճում Բալկանյան երկրների առաջնությունում։

View this post on Instagram

A post shared by Levon Aghasyan (@lev_aghasyan) on Sep 20, 2020 at 12:15pm PDT

Մրցումային առաջին օրը Հայաստանի առաջին ոսկե մեդալը նվաճել էր գյումրեցի վազորդ Երվանդ Մկրտչյանը 1500 մետր վազքում։

Հայաստանի հավաքականի կազմում փայլուն է հանդես եկել նաեւ ամերիկահայ Ալեքս Դոնիկյանը։ 100 մետր արագավազքում Դոնիկյանը գրանցել է 10.44 արդյունք՝ սահմանելով Հայաստանի ռեկորդ։

Վազորդ Ռազմիկ Մկրտչյանն (100 մետր - 10.96),  ու Արման Հակոբյանը (1500 մ - 3:58.07) բարելավել են իրենց լավագույն արդյունքները։

Հետևեք NEWS.am SPORT-ին Facebook-ում, Twitter և Telegram-ում