Անգլիայի առաջնության երկրորդ տուրի կենտրոնական խաղում Լոնդոնի «Չելսին» ընդունեց չեմպիոն «Լիվերպուլին»։ Անգլիացի Ֆրենկ Լեմպարդի գլխավորած թիմը պարտություն կրեց 0։2 հաշվով։
Առաջին խաղակեսի ավելացված ժամանակում սենեգալցի հարձակվող Սադիո Մանեի նկատմամբ վերջին հույսի խախտման համար կարմիր քարտ ստացավ «Չելսիի» դանիացի պաշտպան Անդրեաս Կրիստենսենրը։
Գերմանացի Յուրգեն Կլոպի գլխավորած «Լիվերպուլը» թվային առավելությունը գոլերի վերածեց երկրորդ խաղակեսում։ Չորս րոպեում դուբլի հեղինակ դարձավ Սադիո Մանեն։
Վերջնամասում «Չելսին» ուներ հաշիվը կրճատելու հնարավորություն։ «Լիվերպուլում» նորամուտը նշեց Իսպանիայի հավաքականի 29-ամյա կիսապաշտպան Տիագո Ալկանտարան, որի նախորդ ակումբը Մյունխենի «Բավարիան» էր։ Ալկանտարան սեփական տուգանային հրապարակում խախտեց կանոնները գերմանացի հարձակվող Տիմո Վերների նկատմամբ, սակայն իտալացի կիսապաշտպան Ժորժինյոն արդյունավետ չիրացրեց 11 մետրանոց հարվածը։
«Լիվերպուլը» 6 միավորով հավասարվեց առաջատարներ «Էվերտոնին», «Արսենալին» եւ «Քրիսթալ Փելասին»։ «Չելսին» 3 միավորով 10-րդ տեղում է։
Անգլիայի առաջնություն, երկրորդ տուր
«Չելսի» - «Լիվերպուլ»՝ 0։2 (տեսանյութ)
Սադիո Մանե, 50, 54
Չիրացրած 11մ՝ Ժորժինյո («Չելսի»), 73
Հեռացում՝ Անդրեաս Կրիստենսեն, 45+1
S U P E R S A D I O #CHELIV pic.twitter.com/u7JvwgCUiD
— Liverpool FC (@LFC) September 20, 2020
Thiago time
— Liverpool FC (@LFC) September 20, 2020
A boss Reds debut for @Thiago6 pic.twitter.com/4BmiCqUhmR
Հետևեք NEWS.am SPORT-ին Facebook-ում, Twitter և Telegram-ում