21:49  ,  19 սեպտեմբերի, 2020

«Տոտենհեմը» գնեց «Ռեալի» խաղացողին

Իսպանիայի հավաքականի պաշտպան Սերխիո Ռեգիլոնը Մադրիդի «Ռեալից» տեղափոխվեց Լոնդոնի «Տոտենհեմ»։

23-ամյա ֆուտբոլիստը պորտուգալացի Ժոզե Մոուրինյոյի գլխավորած թիմի հետ կնքել է հինգ տարվա պայմանագիր, հայտնում է անգլիական ակումբի մամուլի ծառայությունը։

Անգլիական մամուլը գրել էր, որ «Տոտենհեմը» Ռեգիլոնի համար կվճարի 30 միլիոն եվրո։

Անցած մրցաշրջանը Ռեգիլոնը վարձակալությամբ հանդես է եկել իսպանական «Սեւիլիայում»՝ դառնալով Եվրոպայի լիգայի գավաթակիր։

Հետևեք NEWS.am SPORT-ին Facebook-ում, Twitter և Telegram-ում