14:49  ,  18 սեպտեմբերի, 2020

Դեպայը կարող է տեղափոխվել «Միլան»

Ֆրանսիական «Լիոնի» և Նիդերլանդների ազգային հավաքականի հարձակվող Մեմֆիս Դեպայը կարող է մարզական կարիերան շարունակել իտալական «Միլանում», տեղեկացնում է Gianlucadimarzio.com-ը:

«Լիոնը» կարող է Դեպային ընդգրկել «Միլանի» 23-ամյա բրազիլացի կիսապաշտպան Լուկաս Պակետի տեղափոխության գործարքում: 

26-ամյա Դեպայի ծառայություններով հետաքրքրված էր նաև կատալոնական «Բարսելոնան», որը, սակայն, ֆինանսական խնդիրների պատճառով հրաժարվեց հոլանդացի հարձակվողին ձեռք բերելու մտքից: 

Դեպայը 2017-ին է «Լիոնի» հետ կնքել պայմանագիր, որը նախատեսված է մինչեւ հաջորդ մրցաշրջանի ավարտը։ Transfermarkt-ը նրա տրանսֆերը գնահատում է 44 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում