22:45  +04,  16 սեպտեմբերի, 2020

Լեւոն Արոնյանը պարտվեց Մագնուս Կարլսենին

Հայկական շախմատի առաջատար Լեւոն Արոնյանը 2020 Saint Louis Rapid & Blitz օնլայն մրցաշարի արագ խաղի չորրորդ պարտիայում սեւ ֆիգուրներով մրցեց աշխարհի չեմպիոն, համաշխարհային դասակարգման առաջատար, նորվեգացի Մագնուս Կարլսենի հետ եւ 34-րդ քայլում ընդունեց պարտությունը։

Արոնյանը 8 հնարավորից վաստակել  է 5 միավոր եւ Կարլսենի եւ հնդիկ Պենտալա Հարիկրիշնայի հետ բաժանում է 3-5-րդ տեղերը։ Առաջատարներն են 6-ական միավոր վաստակած ռուսաստանցի Յան Նեպոմնյաշչին եւ ամերիկացի Ուեսլի Սոն։

Սեպտեմբերի 16-ին Արոնյանը կմրցի նաեւ Հարիկրիշնայի եւ ամերիկացի Ջեֆրի Սյոնի հետ։

Հիշեցնենք, որ առաջին տուրում Արոնյանը սևերով 40-րդ քայլում առավելության էր հասել իրանցի Ալիռեզա Ֆիրուջայի նկատմամբ, երկրորդ տուրում հայ գրոսմայստերը սպիտակներով 68-րդ քայլում հաղթանակ էր տարել ռուսաստանցի Ալեքսանդր Գրիշչուկի նկատմամբ, երրորդ տուրում սեւերով 56 քայլում ոչ ոքի էր խաղացել ռուսաստանցի Յան Նեպոմնյաշչու հետ։

Մրցանակային հիմնադրամը 250 հազար դոլար է, հաղթողը կստանա 50 հազար դոլար։ 10 մասնակիցները կանցկացնեն արագ խաղի (25+5) 9 տուր եւ կայծակնային խաղի (5+3) 18 տուր։ Մրցաշարը կավարտվի սեպտեմբերի 19-ին։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Հարցում
Քվեարկել են (13)
  • Ֆեյսբուք
  • NEWS.am Sport Exclusive
  • Արխիվ