«Ուրարտուն» հաղթեց «Ալաշկերտին» եւ բարձրացավ առաջին տեղ

Ֆուտբոլի Հայաստանի առաջնության չորրորդ տուրում «Ուրարտուն» 2։1 հաշվով առավելության հասավ «Ալաշկերտի» նկատմամբ։

Արդեն 8-րդ րոպեին հաշիվը բացեց «Ուրարտուն»։ 11 մետրանոցն արդյունավետ իրացրեց Ջոնել Դեսիրեն (Հաիթի), որը 30-րդ գոլը խփեց Հայաստանի առաջնություններում։

57-րդ րոպեին «Ալաշկերտից» պատասխան գոլը խփեց բոսնիացի Ալեքսանդր Գլիշիչը։

69-րդ րոպեին Դեսիրեն ձեւակերպեց դուբլ՝ 2։1։

«Ուրարտուն» 3 խաղից հետո 7 միավորով գլխավորեց մրցաշարային աղյուսակը։ «Ալաշկերտը» 3 խաղում վաստակել է 4 միավոր եւ երրորդն է։

Հայաստանի առաջնություն, չորրորդ տուր

«Ալաշկերտ» - «Ուրարտու»՝ 1։2

Ալեքսանդր Գլիշիչ, 57 - Ջոնել Դեսիրե, 8, 11մ, 69

Հետևեք NEWS.am SPORT-ին Facebook-ում, Twitter և Telegram-ում