12:16  ,  13 սեպտեմբերի, 2020

Ճապոնացի Նաոմի Օսական՝ US Open-ի չեմպիոն (ֆոտո)

Ճապոնացի Նաոմի Օսական նվաճել է թենիսի ԱՄՆ-ի բաց առաջնության կանանց մենախաղի չեմպիոնի տիտղոսը։ Եզրափակիչում 22-ամյա մարզուհին 1:6, 6:3, 6:3 հաշվով հաղթել է Բելառուսի ներկայացուցիչ Վիկտորյա Ազարենկային։ Պայքարը տեւել է 1 ժամ 54 րոպե։

Կիսաեզրափակիչում Ազարենկան հաղթել էր ամերիկացի Սերենա Ուիլյամսին, Օսական՝ Ջենիֆեր Բրեյդիին (ԱՄՆ)։ US Open-ի ընդհանուր մրցանակային հիմնադրամը 53,4 միլիոն դոլար է։

Համաշխարհային դասակարգման աղյուսակում Օսական կբարձրանա երրորդ տեղ։ Առաջին ռակետի դիրքը կպահպանի ավստրալացի Էշլի Բարթին։

Հետևեք NEWS.am SPORT-ին Facebook-ում, Twitter և Telegram-ում