Հայկական շախմատի առաջատար Լևոն Արոնյանը ոչ ոքի խաղաց Շախմատ-960-ի (Ֆիշերի շախմատ) Chess9LX օնլայն մրցաշարի առաջին տուրում։ Արոնյանը սպիտակներով մրցեց ամերիկացի Ֆաբիանո Կարուանայի հետ։ Գրոսմայստերները 69-րդ քայլում կիսեցին միավորը։
Աշխարհի 13-րդ չեմպիոն, 57-ամյա ռուսաստանցի Գարի Կասպարովը սեւերով խաղաց 17-ամյա իրանցի (հանդես է գալիս ՖԻԴԵ-ի դրոշով) Ալիռեզա Ֆիրուջայի հետ եւ հաղթանակ տարավ 46 քայլում։
Աշխարհի չեմպիոն, համաշխարհային դասակարգման առաջատար, նորվեգացի Մագնուս Կարլսենը սեւերով պարտության մատնեց ֆրանսիացի Մաքսիմ Վաշյե-Լագրավին։
Ամերիկացի Ուեսլի Սոն սեւերով ուժեղ էր ռուսաստանցի Պյոտր Սվիդլերից, ԱՄՆ-ի ներկայացուցիչ Լենիեր Դոմինգեսը սպիտակներով հաղթեց ամերիկացի Հիկարու Նակամուրային։
Երկրորդ տուրում Արոնյանը կմրցի Նակամուրայի, Կասպարովը՝ Կարլսենի, Կարուանան՝ Վաշյե-Լագրավի, Սոն՝ Դոմինգեսի, Ֆիրուջան՝ Սվիդլերի հետ։
Մրցանակային հիմնադրամը 150 հազար ԱՄՆ դոլար է:
Հետևեք NEWS.am SPORT-ին Facebook-ում, Twitter և Telegram-ում
15:09 , 19 ապրիլի 
14:14 , 19 ապրիլի 
13:44 , 19 ապրիլի 
13:15 , 19 ապրիլի 
12:50 , 19 ապրիլի 
12:14 , 19 ապրիլի 
11:40 , 19 ապրիլի 
11:09 , 19 ապրիլի 
10:43 , 19 ապրիլի 
10:12 , 19 ապրիլի 
