Անգլիական «Մանչեսթեր Յունայթեդի» պորտուգալացի կիսապաշտպան Բրունու Ֆերնանդեշը հայտարարել է, որ ընթացիկ մրցաշրջանում իր թիմի գլխավոր նպատակը Եվրոպայի լիգայում հաղթանակն է:
«Անգլիայի առաջնությունում մենք կատարել ենք մեր առաջ դրված խնդիրը և մրցաշրջանն ավարտել ենք առաջին քառյակում: Այժմ ունենք մեկ նպատակ, դա հաղթանակն է Եվրոպայի լիգայում:
«Մանչեսթեր Յունայթեդը» դառնալու է հաղթող թիմ, իսկ Եվրոպայի լիգայում հաղթանակը դառնալու է մեր առաջին քայլը դեպի բարձունք»,- Ֆերնանդեշի խոսքը փոխանցում է Goal.com-ը:
Հիշեցնենք, որ «Մանչեսթեր Յունայթեդը» դուրս է եկել Եվրոպայի լիգայի կիսաեզրափակիչ, որտեղ կմրցի իսպանական «Սևիլիայի» հետ:
Հետևեք NEWS.am SPORT-ին Facebook-ում, Twitter և Telegram-ում