Իսպանական «Սելտայի» նախկին հարձակվող Ֆյոդոր Սմոլովին կողոպտել են Բարսելոնայի գիշերային ակումբներից մեկում:
ElCaso-ի համաձայն՝ կատալոնական «Էսպանյոլի» դեմ խաղից հետո Ռուսաստանի հավաքականի 30-ամյա ֆուտբոլիստն այցելել է գիշերային ակումբ, որտեղ կողոպտիչները գողացել են նրա՝ 300 հազար եվրո արժողությամբ ժամացույցը: Նշվում է, որ կողոպտիչները փախստականներ են Հյուսիսային Աֆրիկայից:
Ավարտված մրցաշրջանում Սլոմովը վարձավճարով էր հանդես գալիս «Սելտայում», որի կազմում մասնակցել է Իսպանիայի առաջնության 14 խաղի և դարձել 2 գոլի հեղինակ: Նա արդեն վերադարձել է Մոսկվայի «Լոկոմոտիվ»:
Հետևեք NEWS.am SPORT-ին Facebook-ում, Twitter և Telegram-ում