Über den Spanien-Sieg, die Kapitänsbinde, uvm: Stephan Lichtsteiner lässt seine Karriere Revue passieren
— nationalteams_SFVASF (@SFV_ASF) August 12, 2020
Stephan Lichtsteiner passe en revue les moments forts de sa carrière comme la victoire face à l’Espagne, son lien avec le brassard de capitaine et plus encore pic.twitter.com/OuZHGjU2mZ
Հռոմի «Լացիոյի», Թուրինի «Յուվենտուսի», Լոնդոնի «Արսենալի» եւ Շվեյցարիայի հավաքականի նախկին պաշտպան Շտեֆան Լիխտշտայները հայտարարել է կարիերան ավարտելու մասին։ Այդ մասին 36-ամյա ֆուտբոլիստը հայտնել է Շվեյցարիայի հավաքականի թվիթերյան էջում հրապարակած տեսանյութով։
Շտեֆան Լիխտշտայները «Յուվենտուսի» հետ դարձել է Իտալիայի 7-ակի չեմպիոն, քառակի գավաթակիր եւ եռակի սուպերգավաթակիր։ Թուրինյան թիմի կազմում երկու անգամ հասել է Չեմպիոնների լիգայի եզրափակիչ։ «Լացիոյի» հետ Շտեֆան Լիխտշտայները նվաճել է Իտալիայի գավաթն ու սուպերգավաթը։
Շվեյցարիայի հավաքականի ավագը ազգային թիմի հետ մասնակցել է 108 հանդիպման։ Շտեֆան Լիխտշտայների վերջին ակումբը գերմանական «Աուգսբուրգն» էր։ Նա հանդես է եկել նաեւ շվեյցարական «Գրասհոպերում» եւ ֆրանսիական «Լիլում»։
Հետևեք NEWS.am SPORT-ին Facebook-ում, Twitter և Telegram-ում