Իտալիայի չեմպիոն «Յուվենտուսի» նախագահ Անդրեա Անիելին վստահություն է հայտնել, որ պորտուգալացի հարձակվող Կրիշտիանու Ռոնալդուն չի հեռանա թուրինյան ակումբից մինչեւ պայմանագրի ավարտը։
France Football-ը գրել էր, որ Ռոնալդուն ցանկանում է տեղափոխվել ՊՍԺ։
«Լիովին վստահ եմ, որ Ռոնալդուն կմնա։ Կարծում եմ այդ հրապարակումը վերաբերում է մի քանի ամիս առաջ եղած հարցազրույցին, որը լույս էր տեսել ՊՍԺ-ի դեմ մեր խաղից առաջ։ Լրատվամիջոցների հին հնարք է։ Կարող եմ վստահեցնել, որ Ռոնալդուն մնում է «Յուվենտուսի» հենասյուներից»,- Անիելիի խոսքը մեջբերում է football-italia.net-ը։
Հիշեցնենք, որ «Յուվենտուսը» Չեմպիոնների լիգայի 1/8 եզրափակիչում չհաղթահարեց ֆրանսիական «Լիոնի» արգելքը։
Հետևեք NEWS.am SPORT-ին Facebook-ում, Twitter և Telegram-ում