12:12  ,  6 օգոստոսի, 2020

«Ինտերը» հայտարարել է Ալեքսիս Սանչեսի տրանսֆերային իրավունքի ձեռքբերման մասին

Միլանի «Ինտերը» հայտարարել է թիմում վարձակալությամբ հանդես եկող Ալեքսիս Սանչեսի տրանսֆերային իրավունքի ձեռքբերման մասին:

«Ամեն ինչ դեռ պաշտոնական չէ, սակայն մենք համաձայնության ենք եկել Սանչեսի տրանսֆերային իրավունքի ձեռքբերման հարցում և 3 տարվա պայմանագիր կկնքենք նրա հետ»,- Sky Sports-ի հաղորդմամբ՝ ասել է «Ինտերի» գլխավոր տնօրեն Բեպե Մարոտան:

Հիշեցնենք, որ Ալեքսիս Սանչեսը վարձակալությամբ «Ինտեր» է տեղափոխվել 2019 թվականի ամռանը:

Ավարտված մրցաշրջանում իտալական թիմի կազմում անցկացրած 21 խաղերում Սանչեսը դարձել է 4 գոլի հեղինակ:

Հետևեք NEWS.am SPORT-ին Facebook-ում, Twitter և Telegram-ում