20:14  ,  5 օգոստոսի, 2020

«Մանչեսթեր Յունայթեդը» Սանչոյին կվճարի 17,6 միլիոն եվրո

Դորտմունդի «Բորուսիայից» անգլիական «Մանչեսթեր Յունայթեդ» տեղափոխվելու դեպքում Անգլիայի հավաքականի 20-ամյա կիսապաշտպան Ջեյդոն Սանչոն կստանա տարեկան 17,6 միլիոն եվրո, հաղորդում է գերմանական Sport Bild-ը։ Մանչեսթերյան ակումբն ու ֆուտբոլիստը համաձայնության են հասել անձնական պայմանագրի վերաբերյալ։ «Բորուսիայում» Ջեյդոն Սանչոն ստանում էր տարեկան 6 միլիոն եվրո։

Եթե Սանչոն մնա «Բորուսիայում» նոր մրցաշրջանից կստանա տարեկան 10 միլիոն եվրո։ Նրա պայմանագիրը գերմանական ակումբի հետ նախատեսված է մինչեւ 2022թ․ հունիս։

«Մանչեսթեր Յունայթեդի» եւ «Բորուսիայի» բանակցությունները դեռ արդյունք չեն տվել։ Անգլիական ակումբը պատրաստ է Սանչոյի տրանսֆերի համար վճարել 100 միլիոն եվրո, «Բորուսիան» պահանջում է 120 միլիոն եվրո։

Հետևեք NEWS.am SPORT-ին Facebook-ում, Twitter և Telegram-ում