Միլանի «Ինտերը» փոխարինող է գտել թիմի գլխավոր մարզիչ Անտոնիո Կոնտեին, որը, ամենայն հավանականությամբ, կհեռանա միլանյան թիմից:
FC Inter News-ի տեղեկություններով՝ «Ինտերը» ցանկանում է ակումբի գլխավոր մարզիչի պաշտոնը վստահել Լոնդոնի «Տոտենհեմի» նախկին գլխավոր մարզիչ Մաուրիսիո Պոչետինոյին:
Ակումբը բանակցություններ կսկսի նաև «Յուվենտուսի» նախկին գլխավոր մարզիչ Մասիմիլիանո Ալեգրիի հետ:
Նշվում է, որ Պոչետինոյի թեկնածությանն իրենց հավանությունը տվել են ակումբի փոխնախագահ Խավյեր Ձանետին և մարզական տնօրեն Պյերո Աուզիլիոն:
Ավելի վաղ հայտնի էր դարձել, որ Անտոնիո Կոնտեն «Ինտերի» ղեկավարության հետ ունեցած խնդիրների պատճառով չի շարունակի աշխատանքը ակումբում:
Հետևեք NEWS.am SPORT-ին Facebook-ում, Twitter և Telegram-ում