20:19  +04,  1 օգոստոսի, 2020

Ռուսական Պրեմյեր լիգա․ Մրցաշրջանի լավագույն խաղացողը, մարզիչն ու գոլի հեղինակը (ֆոտո)

Ռուսաստանի Պրեմյեր լիգայի ավարտված մրցաշրջանի լավագույն ֆուտբոլիստ է ճանաչվել չեմպիոն «Զենիթի» 31-ամյա ռուսաստանցի հարձակվող Արտյոմ Ձյուբան, հաղորդում է մրցաշարի մամուլի ծառայությունը։ Ձյուբան 17 գոլով լավագույն ռմբարկուի մրցավազքում առաջին տեղը կիսել էր ակումբակից Սերդար Ազմունի հետ։ Ձյուբան 16 գոլային փոխանցումով լավագույնն է այդ ցուցանիշով։

View this post on Instagram

A post shared by Тинькофф РПЛ (@premierliga) on

Լավագույն մարզիչի մրցանակին արժանացել է «Զենիթի» 44-ամյա ռուսաստանցի գլխավոր մարզիչ Սերգեյ Սեմակը, որի ղեկավարությամբ պետերբուրգյան թիմը երկրորդ մրցաշրջանում անընդմեջ դարձավ չեմպիոն։

View this post on Instagram

A post shared by Тинькофф РПЛ (@premierliga) on

Մրցաշրջանի լավագույն գոլի հեղինակը սերբ հարձակվող Ջորջե Դեսպոտովիչն է, որը «Օրենբուրգի» կազմում գրավել էր «Ախմատի» դարպասը։ Հունիսին Դեսպոտովիչը միացել է Կազանի «Ռուբինին»։

Լավագույն խաղացողի, մարզիչի եւ գոլի հեղինակի քվեարկությանը մասնակցել են Պրեմյեր լիգայի ակումբների ավագներն ու մարզիչները, փորձագետներ, լրատվամիջոցների ներկայացուցիչներ եւ Ռուսաստանի հավաքականի գլխավոր մարզիչ Ստանիսլավ Չերչեսովը։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից:

  • Լրահոս