15:16  +04,  31 հուլիսի, 2020

«Բարսելոնան» 3 տարվա պայմանագիր է առաջարկել Վիլիանին

Լոնդոնի «Չելսիի» նախկին կիսապաշտպան, այժմ ազատ գործակալի կարգավիճակ ունեցող Վիլիանը կարող է մարզական կարիերան շարունակել կատալոնական «Բարսելոնայում»:

Sky Sports-ի տեղեկություններով՝ «Բարսելոնան» 3 տարվա պայմանագիր է առաջարկել Վիլիանին: Բրազիլացի ֆուտբոլիստը դեռ չի պատասխանել առաջարկին:

Վիլիանի ծառայություններով հետաքրքրված է նաեւ Լոնդոնի «Տոտենհեմի» պորտուգալացի գլխավոր մարզիչ Ժոզե Մոուրինյոն, որի հետ նա աշխատել է «Չելսիում»։

Ավարտվող մրցաշրջանում Վիլիանը «Չելսիի» հետ բոլոր մրցաշարերում մասնակցել է 47 հանդիպման, խփել 11 գոլ, կատարել 9 գոլային փոխանցում։

Վիլիանը «Չելսի» է տեղափոխվել 2013 թվականին Մախաչկալայի «Անժիից» 30 միլիոն ֆունտ ստերլինգով։

Հետևեք NEWS.am SPORT-ին Facebook-ում և Twitter-ում


Շնորհակալություն մեկնաբանելու համար: Ձեր մեկնաբանությունը պետք է հաստատվի խմբագրության կողմից: